'O sole se ne va
chi sa si è notte o si chiuvarrà
'o sole se ne va
comm'a nu suonno si t'aja scetà
e me lassa senza alleria
senza gioia o malincunia.
Vurrìa putè fermà
ogni emozione int'a vita mia
vurrìa putè sentì
ogni stagione vulata via
ma mo è tempo de siccità
nun c'è core che sa tremmà.
E amico mio sarà
chi la frischezza vo regalà
chi me vene a purtà
nu poco e 'vino pe me mbriacà
ch'a stu tiempo de siccità
sta funtana se stà a siccà;
Uno ddoje e tre
chesta è ll'ora bona pe me...
Voglio cantà pe me mbriacà
canzone e vvino che me fa stunà
voglio cantà pure pe te
sientime bono e vieni a verè
uno ddoje e tre voglio cantà
canzone e vvino pe me fa stunà
uno ddoje e tre canta cu mme
stu vino forte è pure pe te.
'O sole se ne va
cchiù rosso 'o cielo fa addiventà
'o sole se ne va
sulo pe chi nun se vo fermà
n'atu'ppoco int'a casa mia
e nun vole 'sta cumpagnia
c'o vvino è bbuono
e si 'o tiene 'o vvino t'o dda...
Voglio cantà pe me mbriacà
canzone e vvino che me fa stunà
uno ddoje e tre canta cu mme
stu vino forte è pure pe te.
Voglio cantà pe me mbriacà
canzone e vvino che me fa stunà
uno ddoje e tre canta cu mme
stu vino forte è pure pe te.
uno ddoje e tre sienteme a me
si è friddo vierno bive pecchè
te po 'nfucà te po scarfà
voglia d'ammore e de cantà